Agur 2015eko Aratusteei!

Aratuste-martitzena dugu gaur, inauterietako azken eguna. Intentsoak izan dira aurten ere, baita bustiak ere, baina tira, ohitzen hasiak gara… Hala eta guztiz ere, eguraldia eguraldi, karnabal berri hauek ederrak izan dira, eta benetan gozatu ditugu.

Gaur azken hitzordua dugu, lehenik Plaza Barrian, 19:30ean, Sardinari beila egiteko eta ondoren, Sardinaren erreketa Arriaga Plazan 20:00etatik aurrera. Eta listo! Datorren urtera arte! Aurten saririk ez…baina zein ondo pasa dugun!

erlojua-martxan

jai-batz

plaza-biribilean2

dantza-ganbara2

bazkaria

Taberna-ibiltaria2

azpiegitura

gurekin-jokoan

 

15936338444_cd91d53174_zalgara-sardinarekin

Ikusi gure argazkiak hemen.

3.-CARNAVAL-SPLASH-web

2015eko Bilboko Aratusteak, otsailaren 7tik 17ra

Hementxe ditugu! 2015eko Bilboko Aratuste edo Inauteri berriak heldu dira! Aurten Bilboko Konpartsek, Bilboko Udalarekin batera, sekulako egitaraua prestatu dute, eta hainbat jarduera berri ere eskaini nahi dituzte bilbotar eta bisitari guztiok parte hartu eta ezin hobeto pasa dezagun. Inauteriei hasiera ofiziala normalean Ostegun Gizenean ematen bazaie ere, Bilboko Aratusteak aurreko asteburuan jartzen dira martxan. Aurten, otsailaren 7tik, larunbatarekin, 17ra bitartean, adin eta gustu guztietarako proposamenak egongo dira:

  • Otsailak 7 larunbata: Kopla txikien txapelketa. 19:30ean Bilborock aretoan.
  • Otsailak 8 igandea: IV. Aratusteetako Pontxe eta Tostada Lehiaketa. 12:00etan Plaza Barrian.
  • Otsailak 12 osteguna: 19:00etan Kontzertuak Zazpi Kaleetan. 22:00etan Lurra eta Patxuko Nice Kafe Antzokian.
  • Otsailak 13 ostirala: Aurtengo beste aldaketa bat izango dugu egun horretan: ostegunean barik, ostiralean egingo zaie epaiketa Farolin eta Zaranbolasi. 18:30ean, kalejira egingo da Plaza Barritik eta atxiloketa 19:00etan izango da udaletxean, eta 19:30ean epaiketa Plaza Barrian. 20:00etatik aurrera Kopla txikiak Zazpi Kaleetan zehar Inauterietako pertsonaiekin eta Beti Jai Alai Dantza Taldearekin. Baina goizetik, gogoratu Gabriel Aresti euskaltegiko Inaute Jaia ere ospatuko dugula!
  • Otsailak 14 larunbata -Larunbat Erregularra-:  Egun handia izango da. 12:00etan Gunearen irekiera egingo da Plaza Biribilean, eta atzerako kontaketa martxan jarriko da Botilaren kortxo-ateratzera arte, 19:30ean. Fanfarreak, erraldoiak eta gaiteroak aterako dira kalera. Eta hortik aurrera, Done Bikendin, Albian, Zabalgunean, Astarloan, Plaza Eliptikoan eta P. Biribilean, hainbat kontzertu, ikuskizun, jarduera, eta umeentzako tailerrak eta puzgarriak ere izango ditugu. Done Bikendin, esaterako, Urbeltzen Dantza Ganbara eta Argia Dantza Taldea izango dira 12:30ean; Dr. Maha´s Miracle Tonic banda 13:30ean eta 16:30ean arituko da, eta Kafe Antzokiaren barruan, berriz, Taberna Ibiltaria eta Bilbo Kantari izango ditugu 16:30etik aurrera, bazkalostean. Aurten ez da desfilerik egingo; 17:00etatik 19:00etara Konpartsen Mozorro-lehiaketa izango da, eta Plaza Biribilean itxarongo digu Epaimahaiak. 19:30ean Guneari itxiera emango diogu Plaza Biribilean, eta ondoren Zazpi Kaleetara jaitsiko gara. 20:00etan Txakur kalean elkartuko gara Farolin eta Zaranbolasekin, eta iturrian Bilboko ura dastatu ahalko dugu. Hor irekiko da Zazpi Kaleetako gunea. 20:30ean Mozorro-lehiaketaren sari-banaketa egingo da Plaza Barrian. Eta hortik aurrera… Bakoitzak ahal duena! Programazio osoa, hemen duzu.
  • Otsailak 15 igandea: Indaba txapelketa Plaza Barrian, biharamunerako erremediorik onena. Eta umeentzako Gargantua Arriaga Plazan, erraldoiak eta buruhandiak Areatzan eta Plaza Barrian…
  • Otsailak 17 asteartea: Sardina beila 19:30ean Plaza Barrian eta erreketa 20:00etan Arriaga Plazan.

3.-CARNAVAL-SPLASH-osoa_web

Aurtengo Mozorro-lehiaketa

Ikusi bezala, 2015eko Inauterietan hainbat aldaketa daude, eta larunbateko desfilea desagertzea da garrantzitsu bat. Horren ordez, Mozorro-lehiaketa egongo da, apalago eta azpiegitura gutxiagorekin baina ez tristeago horregatik! Gu bagabiltza ideiak lantzen eta prestatzen, jolasten… edo jokatzen? Laster emango dizugu horren berri!

 

 

Inauteriak

Badatoz 2015eko Aratuste berriak!!!

Ostegunean, hilak 5, Bilboko Konpartsek eta udalak osatzen duten Jai-batzorde mistoak aurkeztuko ditu Euskal Museoan 2015eko Aratusteak. Inauteri berriak, hainbat aldaketa eta proposamen berri izango dituzte eta. Ilusio handia dugu konpartsa eta antolatzaile guztiok, parte hartzaile, berritzaile eta aldi berean tradizioan oinarritutako jaia prestatu dugulako. Laster, informazio gehiago!

iparralde eguna

Iparralde egunean, artayorran

Aire ahizpak, Jean Mixel Bedaxagar, Mixel Etxekopar eta Erramun Martikorena izan genituen asteazkenean luxuzko gonbidatu gisa. Izan ere,  Iparralde eguna ospatu genuen gurean eta, nola ez,  ezin kanturik falta! Ezta dantzarik ere, noski! Hemen duzue bi xiberutar eta baxenafartarrari Bilbo Hiriak egindako elkarrizketa:

‘Artayorran baño, yantzan obetó’ bazkari herrikoira Euskal Herriko 60 musikari baino gehiago hurbildu ziren eta bazkalostean bat baino gehiago igo zen oholtzara. Hemen dituzue arestian aipatutakoak, Anje Duhalderekin batera. Beraz, Lapurdi, Baxe Nafarroa eta Zuberoa ordezkatuta gure oholtza txikian, Eperra kantatzen:

Iaz bezala, Josuk eta Isidrok atxurra zozketatu zuten euskal artisten artean eta Miren Aireri egokitu zitzaion. Esker onekoak direnez, hemen duzue  Aire ahizpek abestutako ‘Hala ere’ kantu izugarri ederra:

Arrastirian Zaparrada haur konpartsako haurrek murala margotu zuten. A zer nolako artistak diren etxeko gazteenak!zaparrada-murala-WEBGauean hainbat kontzertu izan genituen: Niña Coyote & Chico Tornado hasteko, Willis Drummond ondoren eta Cobra jarraian.

 

cesk-freixas-WEB

Euskal Herria – Catalunya eguna

Alde Zaharrean hasi genuen asteartea algarakideok. Zazpi kaleetan barrena murgildu eta poteoari ekin genion bazkal ordua iritsi arte. 14:00etan Algarako txosnan bazkari herrikoia izan genuen eta bertan euskaraz gain, katalana ere izan genuen entzungai.  Izan ere,  Euskal Herria – Catalunya eguna ospatu genuen atzo, bigarren urtez, bertaratu zirenen hizkuntzek argi utzi zuten bezala.

Aida Simó lagunak Bilbo Hirian azaldu zuenez, iazko esperientziatik abiatuta, hainbat lagun katalan bildu ziren, ondoren Diada ospatu eta gerora Casal Bilbao antolatzeraino. Ez dira hor gelditu, ordea, eta laster, irailaren 9an Euskal Herriko ANC atala aurkeztuko dute Bilbon, 18:00etan izango den “V” erraldoia osatu ostean.

ASTEARTEKO-bazkaria WEB

Bazkal ostean Catalunyako Cesk Freixas abeslari gaztea oholtzara igo zen eta guztiok abestu genuen berarekin batera. Jarraian, Anje Duhalde batu zitzaion eta kantu kantari aritu ginen Beñat Aiartzarekin kalejiran joan arte. A zer nolako kantariak! Giro mundiala lortu zuten algarakideon artean (argazkia: Joseba Barrenetxea).

cesk-freixas-eta-anje-duhalde-WEB

Gaztetxoek ere euren kalejira propioa izan zuten: Zaparrada haur konpartsaren Sudur Gorrien kalejira alegia.

Zaparrada haur konpartsaEzin bukatu gaueko kontzertuak aipatu gabe, astearteko gauak ere indartsu jarraitu baizuen gurean hiru talderen ikuskizunekin: hasteko, Joseba Irazoki, ondoren Last Fair Deal eta, azkenik, Capsula.

paella-WEB

Euskara Ikasleen Eguna

11:00etan hasi genuen eguna toka txapelketarekin eta, jarraian, paellak prestatzeari ekin genion. Zelako goxoak euskara ikasleen paellak! Izaskunen taldeak irabazi zuen eta sari gisa xanpaina lortu zuten. Jone, Isa eta Jabi, Gabriel Aresti euskaltegiko ikasleak, Bilbo Hiria irratiak txosnan duen txokora hurbildu eta ikasle gisa bizitako esperientziaren berri eman ziguten.

 

Bazkaldu ondoren Beñat Aiartza igo zen oholtzara eta guztiok abesten jarri gintuen: Furra furra, Maritxu nora zoaz…

Txikienak diskodantza izan zuten Zaparrada haur konpartsarekin eta ez hain gazteok Beñatekin kalejiran joan ginen.

ZAPARRADA-diskodantza-WEB

Segidan, eta apur bat lasaitzeko, Eneritz Artetxeren monologoa entzun genuen. Aupa Eneritz!

eneritz-monologoa-WEB

Gauean, berriz, dantzan aritu ginen zoro zoro. Lehenengo Los Mambo Jamboren eskutik eta, bukatzeko, The Excitements. Azken horien abeslariaren mugimenduekin saltoka amaitu genuen!

the-excitements-WEB

Gauza luzatzeko, gainera, DJ Filibusti arduratu zen musikaz eta zer nolako musika, aspaldiko klasikoekin hankak lehertu arte dantzatu genuen.

Urbeltz-WEB

Igandean eguna dantzan…

Larunbat gaueko festaren ondoren indarberrituta esnatu ginen igandean eta, gogotsu, dantza egunari ekin genion. Hasteko, eguerdian Bilbo Hiria irratiak zuzeneko saioa egin zuen txosna-gunetik bertatik. Egunero izango dira bertan 12:00etatik 14:00etara, Aste Nagusian egingo ditugun ekitaldi guztien berri ematen nahiz jaietan parte hartzen dutenei elkarrizketak egiten.

Etxeko txikiek gorputza astintzeko aukera izan zuten, Zaparrada haur konpartsarekin kalejira zaratatsua egin baizuten arratsaldeko 17:00etan.

Juan Antonio Urbeltzen Dantza Ganbarak  urteroko hitzorduari ekin zion, dantzazaleak bezain fidel. Hemen dituzue irudi batzuk:

Ondoren, Bilbo Hiriako mirofonoei Juan Antonio eta Mikel Urbeltzek dantza Ganbararen eta festaren inguruan esandakoak.

Eguna amaitzeko, edo gaua berriz ere hasteko, gure txosna ska doinu azkarrez bete zuten bertako Akatz eta New Yorkeko The Toasters taldeen kontzertua izan genuen.

Jaitsiera-WEB

Txupinarekin hasi da 9 eguneko astea

Urtero legez, larunbatean Marijaia heldu zen Bilbora eta jendetza elkartu ginen Areatzan behar bezalako ongietorria emateko. Algaran bazkari herrikoiarekin hasi genuen eguna eta 17:00etan hasi zen txupinaren kalejira abiatu ginen. Bazkalostea luzatuta, ozta-ozta iritsi ginen konpartsen jaitsieraren abiapuntura (lehen Begoñatik egiten zen)! eta 19:00etan txupina bera. Eguraldi ezinhobea eta giro aparta Arriaga plazan!

Jarraian, gainerako konpartsakideekin elkartu eta guztiok elkarrekin txosnak banan-banan ireki genituen. Gurea izan zen azkena eta indarra berreskuratzeko ongi etorri luncha eskaini genien festan murgiltzen hasitako konpartsakide guztiei.

Hasiera eman diogu Bilboko Aste Nagusiari eta aurten Algarak 20 urte betetzen dituenez, ekitaldiz betea dugu egitaraua: bazkari herrikoiak, kontzertuak, kalejirak, monologoak, haurrentzako diskofestask, bertso-saioak… denetarik. Hurbil zaitezte gurera eta gozatu Aste Nagusiaz euskaraz!

Cut Copy DJak ALGARAn

Stereorocks Kluba ALGARA Txosnan.

Abuztuak 18, astelehena. 03:00etan

Azken orduko emanaldia gehitu dugu gure egitarauan, izan ere, Australiako Cut Copy taldeko kideak ALGARA txosnan izango ditugu Aste Nagusiko astelehen gauean DJ moduan saio berezia eskaintzen (astearte goizaldeko 3etan). Melbournen sortutako taldeak ospe handia lortu du mundu osoan indie, dance eta electropop doinuak jorratzen. Beraien soinuaren oinarria 80ko hamarkadako new wave eta post-punk estiloetan aurkituko dugu. “Free Your Mind” da taldearen lanik ezagunena. Mundu osoko jaialdi askotan dabiltza jotzen udan zehar. Bilbokoa izango da Euskal Herrian egingo duten dj saio bakarra.

Aurretik Les Alsborregach arituko da. Stereorocks Klubean aritzen den dj bilbotarrak dantzalekura zuzendutako indie eta electro doinuak eskainiko dizkigu. Astelehen gaueko ordu txikietan Algara konpartsaren txosna doinu elektronikoei eta indie musikari zuzendutako klub handia bilakatuko da.

cut copy

http://www.cutcopy.net/
https://www.facebook.com/cutcopy