iparralde eguna

Iparralde egunean, artayorran

Aire ahizpak, Jean Mixel Bedaxagar, Mixel Etxekopar eta Erramun Martikorena izan genituen asteazkenean luxuzko gonbidatu gisa. Izan ere,  Iparralde eguna ospatu genuen gurean eta, nola ez,  ezin kanturik falta! Ezta dantzarik ere, noski! Hemen duzue bi xiberutar eta baxenafartarrari Bilbo Hiriak egindako elkarrizketa:

‘Artayorran baño, yantzan obetó’ bazkari herrikoira Euskal Herriko 60 musikari baino gehiago hurbildu ziren eta bazkalostean bat baino gehiago igo zen oholtzara. Hemen dituzue arestian aipatutakoak, Anje Duhalderekin batera. Beraz, Lapurdi, Baxe Nafarroa eta Zuberoa ordezkatuta gure oholtza txikian, Eperra kantatzen:

Iaz bezala, Josuk eta Isidrok atxurra zozketatu zuten euskal artisten artean eta Miren Aireri egokitu zitzaion. Esker onekoak direnez, hemen duzue  Aire ahizpek abestutako ‘Hala ere’ kantu izugarri ederra:

Arrastirian Zaparrada haur konpartsako haurrek murala margotu zuten. A zer nolako artistak diren etxeko gazteenak!zaparrada-murala-WEBGauean hainbat kontzertu izan genituen: Niña Coyote & Chico Tornado hasteko, Willis Drummond ondoren eta Cobra jarraian.

 

cesk-freixas-WEB

Euskal Herria – Catalunya eguna

Alde Zaharrean hasi genuen asteartea algarakideok. Zazpi kaleetan barrena murgildu eta poteoari ekin genion bazkal ordua iritsi arte. 14:00etan Algarako txosnan bazkari herrikoia izan genuen eta bertan euskaraz gain, katalana ere izan genuen entzungai.  Izan ere,  Euskal Herria – Catalunya eguna ospatu genuen atzo, bigarren urtez, bertaratu zirenen hizkuntzek argi utzi zuten bezala.

Aida Simó lagunak Bilbo Hirian azaldu zuenez, iazko esperientziatik abiatuta, hainbat lagun katalan bildu ziren, ondoren Diada ospatu eta gerora Casal Bilbao antolatzeraino. Ez dira hor gelditu, ordea, eta laster, irailaren 9an Euskal Herriko ANC atala aurkeztuko dute Bilbon, 18:00etan izango den “V” erraldoia osatu ostean.

ASTEARTEKO-bazkaria WEB

Bazkal ostean Catalunyako Cesk Freixas abeslari gaztea oholtzara igo zen eta guztiok abestu genuen berarekin batera. Jarraian, Anje Duhalde batu zitzaion eta kantu kantari aritu ginen Beñat Aiartzarekin kalejiran joan arte. A zer nolako kantariak! Giro mundiala lortu zuten algarakideon artean (argazkia: Joseba Barrenetxea).

cesk-freixas-eta-anje-duhalde-WEB

Gaztetxoek ere euren kalejira propioa izan zuten: Zaparrada haur konpartsaren Sudur Gorrien kalejira alegia.

Zaparrada haur konpartsaEzin bukatu gaueko kontzertuak aipatu gabe, astearteko gauak ere indartsu jarraitu baizuen gurean hiru talderen ikuskizunekin: hasteko, Joseba Irazoki, ondoren Last Fair Deal eta, azkenik, Capsula.

paella-WEB

Euskara Ikasleen Eguna

11:00etan hasi genuen eguna toka txapelketarekin eta, jarraian, paellak prestatzeari ekin genion. Zelako goxoak euskara ikasleen paellak! Izaskunen taldeak irabazi zuen eta sari gisa xanpaina lortu zuten. Jone, Isa eta Jabi, Gabriel Aresti euskaltegiko ikasleak, Bilbo Hiria irratiak txosnan duen txokora hurbildu eta ikasle gisa bizitako esperientziaren berri eman ziguten.

 

Bazkaldu ondoren Beñat Aiartza igo zen oholtzara eta guztiok abesten jarri gintuen: Furra furra, Maritxu nora zoaz…

Txikienak diskodantza izan zuten Zaparrada haur konpartsarekin eta ez hain gazteok Beñatekin kalejiran joan ginen.

ZAPARRADA-diskodantza-WEB

Segidan, eta apur bat lasaitzeko, Eneritz Artetxeren monologoa entzun genuen. Aupa Eneritz!

eneritz-monologoa-WEB

Gauean, berriz, dantzan aritu ginen zoro zoro. Lehenengo Los Mambo Jamboren eskutik eta, bukatzeko, The Excitements. Azken horien abeslariaren mugimenduekin saltoka amaitu genuen!

the-excitements-WEB

Gauza luzatzeko, gainera, DJ Filibusti arduratu zen musikaz eta zer nolako musika, aspaldiko klasikoekin hankak lehertu arte dantzatu genuen.

Urbeltz-WEB

Igandean eguna dantzan…

Larunbat gaueko festaren ondoren indarberrituta esnatu ginen igandean eta, gogotsu, dantza egunari ekin genion. Hasteko, eguerdian Bilbo Hiria irratiak zuzeneko saioa egin zuen txosna-gunetik bertatik. Egunero izango dira bertan 12:00etatik 14:00etara, Aste Nagusian egingo ditugun ekitaldi guztien berri ematen nahiz jaietan parte hartzen dutenei elkarrizketak egiten.

Etxeko txikiek gorputza astintzeko aukera izan zuten, Zaparrada haur konpartsarekin kalejira zaratatsua egin baizuten arratsaldeko 17:00etan.

Juan Antonio Urbeltzen Dantza Ganbarak  urteroko hitzorduari ekin zion, dantzazaleak bezain fidel. Hemen dituzue irudi batzuk:

Ondoren, Bilbo Hiriako mirofonoei Juan Antonio eta Mikel Urbeltzek dantza Ganbararen eta festaren inguruan esandakoak.

Eguna amaitzeko, edo gaua berriz ere hasteko, gure txosna ska doinu azkarrez bete zuten bertako Akatz eta New Yorkeko The Toasters taldeen kontzertua izan genuen.

Jaitsiera-WEB

Txupinarekin hasi da 9 eguneko astea

Urtero legez, larunbatean Marijaia heldu zen Bilbora eta jendetza elkartu ginen Areatzan behar bezalako ongietorria emateko. Algaran bazkari herrikoiarekin hasi genuen eguna eta 17:00etan hasi zen txupinaren kalejira abiatu ginen. Bazkalostea luzatuta, ozta-ozta iritsi ginen konpartsen jaitsieraren abiapuntura (lehen Begoñatik egiten zen)! eta 19:00etan txupina bera. Eguraldi ezinhobea eta giro aparta Arriaga plazan!

Jarraian, gainerako konpartsakideekin elkartu eta guztiok elkarrekin txosnak banan-banan ireki genituen. Gurea izan zen azkena eta indarra berreskuratzeko ongi etorri luncha eskaini genien festan murgiltzen hasitako konpartsakide guztiei.

Hasiera eman diogu Bilboko Aste Nagusiari eta aurten Algarak 20 urte betetzen dituenez, ekitaldiz betea dugu egitaraua: bazkari herrikoiak, kontzertuak, kalejirak, monologoak, haurrentzako diskofestask, bertso-saioak… denetarik. Hurbil zaitezte gurera eta gozatu Aste Nagusiaz euskaraz!

Cut Copy DJak ALGARAn

Stereorocks Kluba ALGARA Txosnan.

Abuztuak 18, astelehena. 03:00etan

Azken orduko emanaldia gehitu dugu gure egitarauan, izan ere, Australiako Cut Copy taldeko kideak ALGARA txosnan izango ditugu Aste Nagusiko astelehen gauean DJ moduan saio berezia eskaintzen (astearte goizaldeko 3etan). Melbournen sortutako taldeak ospe handia lortu du mundu osoan indie, dance eta electropop doinuak jorratzen. Beraien soinuaren oinarria 80ko hamarkadako new wave eta post-punk estiloetan aurkituko dugu. “Free Your Mind” da taldearen lanik ezagunena. Mundu osoko jaialdi askotan dabiltza jotzen udan zehar. Bilbokoa izango da Euskal Herrian egingo duten dj saio bakarra.

Aurretik Les Alsborregach arituko da. Stereorocks Klubean aritzen den dj bilbotarrak dantzalekura zuzendutako indie eta electro doinuak eskainiko dizkigu. Astelehen gaueko ordu txikietan Algara konpartsaren txosna doinu elektronikoei eta indie musikari zuzendutako klub handia bilakatuko da.

cut copy

http://www.cutcopy.net/
https://www.facebook.com/cutcopy

2014ko Aste Nagusiko egitaraua

Kaixo Algarakideok!!

Ia ia dena prest dago Aste Nagusirako, gutxi falta da Marijaiari agurtzeko.
Hemen duzue aurtengo egitaraua:

Larunbata 16 – Txupin eguna

14.00 Algara Bazkaria
17:00 Txupinaren kalejira + Txupina Arriagan
22:00 Algara Txosnaren zabaltzea + Ongi Etorria Mari Jaiari
23:00 DJ Ekaitz

Igandea 17 – Dantza Eguna
12:00 Bilbo Hiria Irratia: Zuzenekoa Algara txosnatik
17:00 Zaparrada: Kalejira erraldoi eta zaratatsua
20:00 Urbeltzen Dantza Ganbara
23:30 Kontzertua: The Toasters + Akatz
03:00 DJ Dr. Baltz eta Twist

Astelehena 18 – Euskara ikasleen eguna
11:00 Ikasleen arteko Toka txapelketa
12:00 Bilbo Hiria Irratia: Zuzenekoa Algara txosnatik
14:00 Ikasleen herri bazkaria
16:00 Bazkalostea Beñat Aiartzarekin kantuan
17:00 Zaparrada: Diskodantza
18:00 Kalejira Beñat Aiartzarekin
21:00 Monologoen txokoa: Eneritz Artetxe
23:30 Kontzertua: Los Mambo Jambo + The Excitements
03:00 Cut Copy DJs. Aurretik Les Alsborregach (Stereorocks kluba)

Asteartea 19 – Euskal Herria – Catalunya
12:00 Bilbo Hiria Irratia: Zuzenekoa Algara txosnatik
12:30 Bazkal-aurreko poteoa Zazpi kaleetan
14:00 Bazkari Herrikoia
16:00 Kantaldia: Cesk Freixas + Anje Duhalde
17:45 Zaparrada: Sudur Gorrien kalejira
18:00 Kalejira Zazpi kaleetan Beñat Aiartzarekin
23:30 Kontzertua: Joseba Irazoki + Last Fair Deal + Capsula
04:30 DJ Jean Laffite

Asteazkena 20 – Iparralde Eguna
12:00 Bilbo Hiria Irratia: Zuzenekoa Algara txosnatik
14:00 Artayorran Bazkari Herrikoia
16:00 Kantaldia: Erramun Martikorena
17:30 Zaparrada: Muralaren osaketa eta argazkiak
23:30 Kontzertua: Niña Coyote  & Chico Tornado + Willis Drummond + Cobra
04:30 DJ Lope Agirre

Osteguna 21 – Bertso eta Triki eguna
12:00 Bilbo Hiria Irratia: Zuzenekoa Algara txosnatik
12:00 Bertso Saio didaktikoa: Jone Uria + Nerea Elustondo
14:00 Zikiro-yatea
16:00 Bertsoak Jone Uria + Nerea Elustondo
18:30 Kalejira Roberto eta Kepa eskolako trikitilariekin
18:00 Zaparrada: “Behinola” ipuin kontalaria + txokolatada
21:00 Monologoen txokoa: Barry Manley
23:30 Kontzertua: Joxe Replay + Dj Makala
04:00 DJ Antton Garai

Ostirala 22 – Pirata Eguna
12:00 Bilbo Hiria Irratia: Zuzenekoa Algara txosnatik
17:30 Zaparrada: Maddi Pirata Antzezlana
19:30 Sardina erreketa
21:00 Monologoen txokoa: Txiki
23:30 Kontzertua: Porco Bravo + Nuevo Catecismo Católico
03:00 DJ Julen

Larunbata 23 – Mozorro eguna
12:00 Bilbo Hiria Irratia: Zuzenekoa Algara txosnatik
12:30 Mozorro Poteoa
14:00 Konpartsen arteko bazkaria
18:00 Zaparrada: Diskodantza
17:30 Konpartsen arteko herri-kirolak
23:00 DJ Julen

Igandea 24 – Azken eguna
12:30 Mozorro Poteoa
21:00 Azken afaria