Euskarafobiaren suntsitze-estrategiaren aurrean matxinatu!

Gure txosnaren aurtengo motiboan euskararen aurkako erasoez ohartu eta  horien aurrrean matxinatu beharra nabarmendu dugu, ohi bezala, Asiskoren esku trebeek lagunduta.

Euskarafobia ez da kontu berria, kate luzea duen suntsitze-estrategia baten adibide asko bizi izan ditugu euskaldunok historian. Gaur egungo euskararen aurkako erasoak, epaiak eta hizkuntza-politika suntsitzaileak aspaldi izan zuten abiapuntua, eta aurtengo gure motiboan hori islatu nahi izan dugu. Nora garamatza estrategia horrek? Bada, gure desagerpenera, euskaldunok tinko aurre egin ezean.

Azken garaiotan (ere) hainbat eta hainbat eraso jasan ditugu euskaraz bizi nahi dugun euskaldunok. Euskara jomugan jarri eta komunikabide batzuen eta epai batzuen bidetik euskara sistematikoki gutxietsia eta baztertua izaten ari da, kasuala ez den estrategia baten barruan. Horrela, epaitegietatik osakidetzako lanpostuetarako oposizioetan edo udaltzain izateko baldintzetan, esaterako, euskara eskatzearen eta euskara jakin behar izatearen aurkako erabaki judizialek gogor eragin digute.

Nola da posible herritarrontzat lan egin beharko lukeen administrazioak herritarren eskubideen aurka egitea? Bide horretan ebazten den epai bakoitzak ez du soilik euskararen aurka egiten, euskaldunon, herritarron aurkako eraso zuzena baita.

-1772: Carlos III.ak eskoletan euskara debekatu
-1867: Espainiako gorteek antzezlanetan euskara debekatu
-1923: Primo de Riverak euskara debekatu ekitaldi publikoetan
-1937: Euskaraz hitz egitea debekatu zuen Frankoren diktadurak.
-2003: Espainiako auzitegi nazionalak EUSKALDUNON EGUNKARIA itxi zuen
-2023: Euskararen ofizialtasunaren aurkako epai andana

Horrela jarraituz gero, laster…

  • Epaileek zerbitzu publikoetan euskaraz egiteko eskubidea kendu
  • Eskoletan euskaraz egitea debekatu
  • Euskaraz hitz egitea debekatu

Atzar hadi, euskaldun hori!

2023ko Aste Nagusia indartsu dator ALGARA konpartsan

2023ko egitaraua

Astebete eskas falta da 2023ko Aste Nagusia hasteko. Larunbatean festa lehertuko da, txupinarekin batera. Jai Batzorde Mistoaren eta Bilboko Konpartsen egitarauaz gain, aurten, ALGARA konpartsaren karpapean euskarazko ekitaldiz eta talde eta artista euskaldunez bakarrik osatutako ekitaldi sorta oparoa izango dugu, euskaldun guztion gozamenerako. Batetik egunez eta, bestetik, gauez egongo diren ekitaldiak banatu ditugu, kartelean, nork bere gustuko tarteari hobeto erreparatzeko. Egunez egun, hauek izango ditugu gure Filibusti txosnan:

2023ko egitaraua

Eguneko egitaraua

Igandea 20
12:00 Txintxeta, Klipa eta Txorroskilo pailazoak 3, 2, 1 eskolara goaz ikuskizuna, Zaparrada Haur Konpartsaren eskutik.

Astelehena 21 (EUSKARA IKASLEEN EGUNA)
10:30 Ongi etorria
11:30 Jolasak
13:00 Paella lehiaketaren aurkezpena
14:00 Sari banaketa
14:30 Bazkaria
16:00 Bingo musikatua
17:00 Poteo musikatua

Asteartea 22 (BERTSO EGUNA)
12:00 Ogi tailerra (Zaparrada Haur Konpartsa)
13:00 Bertso-poteoa
14:00 Bazkaria
16:00 Aste Nagusiko Bertsolari Gazteen IV. Sariketa
17:30 Bertso-triki kalejira

Asteazkena 23 (IPARRALDE EGUNA)
Bazkal aurretik eta ondoren Xendarineko Ahizpak (Urepele)
14:30 Bazkaria eta musika
18:00 Kalejira Eingo taldearekin
Zaparrada Haur Konpartsa

Osteguna 24
12:00 “Mugi zaitez” disko festa
Zaparrada Haur Konpartsa

Ostirala 25
15:00 Bilbo Hiria irratiaren bazkaria
Bazkal osteko festa: karaokea, dantza, musika…
(Eta eguerdiro, astelehenetik ostiralera Bilbo Hiria irratiaren Aste Nagusiko saio berezia zuzenean txosnatik 13:00-14:30)

Gaueko egitaraua

Larunbata 19
23:00 PARY & TIZA DJak

Igandea 20
23:00 MICE + SUA + KOKEIN

Astelehena 21
23:00 EZPALAK + LUKIEK + TOC

Asteartea 22
23:00 ARENE 6 + MCONAK + DJ JONKASS

Asteazkena 23
23:00 J MARTINA + MERINA GRIS + DJ NAHIA

Osteguna 24
23:00 AMOOMA + AKATZ + DJ JON KASS

Ostirala 25
23:00 ELEPUNTO DJ

Larunbata 26
23:00 ENDJ

Udaberri jaia ostiralean

Udaren eta Aste Nagusiaren ohiko iragarle goiztiarra dugu Udaberri Jaia, ALGARA konpartsaren eskutik. Datorren ostiralean, maiatzaren 26an, Aste Nagusirako 85 egun geratzen direla, aurtengo Udaberri Jaia ospatuko dugu. Hau da egitaraua:
  • 8:15ean hasita, tarta lehiaketa
  • 9:15 Dantza plaza
  • 10:00 Pintxo lehiaketa
  • 11:00 Pregoia
  • 11:15 Algaratoia
  • 13:00 Poteo musikatua
  • 14:00 Bazkaria (sarrerak 15 euroan, Zenbat Gararen bulegoan)
  • 16:30 “Triki bizi” Bilbon zehar
Badakizu, egun osoan giro itzela bermatuta izango dugu Done Bikendi aldean, euskaltegiaren inguruetan. Ez ahaztu (baldin badaukazu) Algara kamiseta (eta umore ona) ekartzea!

 

Inaute-Jaia otsailaren 17an, eta biharamunarekin… Algaratusteak!

Aste honetan bi hitzordu garrantzitsu izango ditugu jarraian: Inaute Jaia gurean ostiralean, eta Bilboko Aratusteen egun handia larunbatean!
Ostiralean… Badator uholdea! Inaute jaia, gurean.

Goizean goiz, Gabriel Aresti euskaltegiko ikasleekin hasita: Torrada eta Mozorro lehiaketak, euskal dantza saioa, txokolatada, sketch-ak , poteo musikatua, bazkaria Kafe Antzokian, mozorro desfilea eta kalejira musikatua. Biba Pellot!

Biharamunean (eta biharamunarekin) Aratuste Zapatua eta hainbat ekintza Bilboko Konpartsak eta Bilboko Jai Batzorde Mistoaren eskutik. Besteak beste, arratsaldean kalejiran eta mozorro-lehiaketan egongo da Algara Konpartsa, sinpalta!
#BadatorUholdea #ElkarlanUholdea

2023ko Algaratusteak hemen dira!

Badatoz, badatoz 2023ko Bilboko Aratusteak eta laster gozatzeko, elkartzeko eta Filibustiri bultzada emateko zenbait hitzordu izango ditugu!

Hona hemen nagusiak:

– Otsailaren 11n, larunbatean, Potojorran bertso-eskolarekin batera, Kopla Txikien lehiaketan hartuko dugu parte (20:00etan Kafe Antzokian). Ondoren Akatz eta Amaika Rude Sound taldeekin kontzertua.

– Otsailaren 18an, Aratuste Zapatuan, egun osoko plana (prestaketa lanak, bazkaria, mozorro-kalejira…).

Aurrerago zehaztuko dugu gaia, mozorroa eta plan zehatza, baina gorde eguna!!!

Animatu, adierazi kopla txikietan eta kalejiran parte hartuko duzun eta eman izena otsailaren 18ko bazkarirako mezu honi erantzunda otsailaren 10a baino lehen.

Biba Pellot, Biba festa!!! Laster arte!

Badator Marijaia, badator Pellot… badator ALGARA!

2022ko egitaraua

Azkenik! urtebete barik, hiru urte igaro behar izan dira Aste Nagusia bueltatzeko, baina oraingoan bai, gure Filibusti txosna-ontzia ezarriko dugu ohiko lekuan, Naja gunean, Bailen kaleak eta Areatzako zubiak bat egiten duten balkoian. Eta, festaren itzulera konpartsok aste hau NAGUSIA izatea nahi dugunez, egitarau potoloa prestatu dugu, gaueko zein eguneko ekitaldi mordoarekin. Hemen duzue egitarauaren kartela baita eguneko zein gaueko egitarauak biltzen dituzten bideoak ere:

2022ko egitaraua

Eguneko programazioari dagokionez, eta larunbateko jaitsieran, txupinaren ekitaldian eta txosnen zabaltze-ibilbidean parte hartu eta biharamunean, igande arratsaldean, Urbeltzen Dantza Ganbara izango dugu, gurean klasikoa den plaza dantza saio irekia Juan Antonio Urbeltz handiaren eskutik.

Astelehenean, euskara ikasleen egunaren tradizioari eutsiko diogu, ohikoa den paella lehiaketarekin, baita jokoak, dantza saioa eta euskara ikasten ari direnen arteko bazkariarekin ere.

Astearten, bertsoek eta bertsolariek txosna hartuko dute, ALGARAn bertso eguna izango baitugu: Lehenik hamaiketakoa 11:30ean, ondoren bertso-poteoa txosnagunean bertso-eskolen eskutik eta, 14:00etan bazkaria ALGARAn. Bazkalostean Bilboko Bertsolari Gazteen III. Sariketa jokatuko da gure karpapean. Bertsolariak Izaro Bilbao, Beñat Astiz, Haizea Telleria eta Jon Mendiluze izango dira, eta gai-jartzailea Unai Mendiburu. Ondoren, bertso-poteoa izango dugu zazpikaleetan barna, bertso-eskolen eskutik eta Roberto Etxebarriaren eskolako trikitilariek girotuta.

Asteazkenean, Iparralde Eguna izango dugu: Herri bazkaria eta, bazkalostean, “Algara Kantari” kantagintza saioa izango dugu Anje Duhalderekin.

Astean zehar, Zaparrada haur konpartsaren eskutik, haurrentzako ekitaldiak izango dira: igande eguerdian haurrentzako programazioari ekingo diogu, Txintxeta, Klipa eta Txorroskilo pailazoekin, asteartean, haurrek ogi tailerra izango dute Ostegun eguerdian Mugi Zaitez Diskofesta.

Eta aste osoan ere, baina astelehenetik ostiralera, Bilbo Hiria irratiak zuzeneko irrati saio bereziak egingo ditu 13:00etatik 14:30era, ALGARAtik bertatik. Urtero legez, bertatik igaroko dira Aste Nagusiko pertsonaia nagusiak eta ez hain ezagunak, programazioa eta jaiaren barrunbeak ondo ezagutuko ditugu protagonisten eskutik.

 

Gaueko egitarau indartsua
Indartsua dator gaueko programazioa aurten ALGARAn. Kontzertuei dagokienez, hasteko, lehen igande gauean AKATZ eta SKABIDEAN taldeak izango ditugu ska gau tropikalean; astelehenean gorazarre taldeen txanda izango da BON SCOTT REVIVAL SHOW eta LOS PLATERO taldeekin; asteartean WILLIS DRUMMOND eta ARIMA taldeak izango dira; asteazkenean JOSEBA IRAZOKI ETA LAGUNAK ETA NIÑA COYOTE eta CHICO TORNADO (MCONAK ezin izango dira etorri) eta, amaitzeko, ostegunean ZEA MAYS izango dugu. Disko Jartzaileak ere izango dira ALGARA gauetan: ELEPUNTO DJ, EASYER&TRONIS, DJ JONKASS, ENDJ, eta PARY&TIZA.

Beraz, badakizu, datorren astean hurbildu zaitez gure txosnara eta Aste Nagusia goza ezazu gehiago… euskaraz! A, eta egitarau hau osatzeak ahalegin handia eskatzen duela jakitun, jai herrikoiak bultzatu eta txosnetan eskatu!

Udaberri Jaia ostiralean

Datorren ostiralean Udaberri Jaia ospatuko du Algara konpartsak Abandoko Done Bikendi inguruan, kalean. Pandemiaren geldialdiaren ostean, aspaldiko ohitura berreskuratuko du Bilboko konpartsa euskaldunak.

Maiatzaren 27an, 75 egun faltako dira Aste Nagusia heltzeko. Motorrak berotzeko garaia da, aurten berriro jai-normaltasuna itzuliko delakoan. Eta aurten, maiatzaren 14an gainerako konpartsekin ospatu genuen Kapela Egunaren ondoren, Udaberri Jaiaren txanda iritsi da. Goizetik hasita, tarta lehiaketa, dantza plaza, pintxo lehiaketa, pregoia, Algaratoia, DJ Tortilli eta Bilbo Hiria irratia, poteoa, bazkaria… egun osoko egitaraua prestatu dugu. Eta arratsaldean, karaoke ibiltariak lagunduta, Zazpikaleetaraino hurbilduko gara, hango jaiez gozatzeko. Hemen duzue egitaraua:

Kapela Eguna datorren larunbatean

Aste Nagusirako 100 egun falta direnez, eta aurtengoa NAGUSIA egingo dugunez, beroketa-ariketa ederra prestatu dugu datorren larunbaterako. Erdu geugaz!