Algara Konpartsa

2011ko San Tomas eguna

Konpartseroa — Mon, 19 Dec 2011 22:34:58 +0000

San Tomas, Santomasak, Tomas Deuna… kontua da Tomas delako horri omenaldia egin behar diogula abenduaren 21ean, eta jakina, Algarak ez du huts egingo. Arratsalde partean gure txandatxoa egingo dugu Bilboko Konpartson artean Areatzan jarriko dugun txosnan, 16.45etik 19.00etara. Behin bukatutakoan, lehen potea hartuko dugu bertan. 19.45ean gutxi gorabehera, Plaza Berriko Sorgintzulo tabernan jarraituko dugu poteoa, eta 20.30ean edo Kalderapekora abiatuko gara.

Hona hemen egun osoko Bilboko Konpartsen egitaraua eguaztenerako:

10:00 – Txosnaren irekiera
12:00 – Txalaparta
12:00 – Pintxo eta indaben banaketa
13:00 – Bertsolariak (Onintza Enbeitia, Peio Ormazabal eta Ibon Ajuria)
14:00 – Gaiteroak
16:00 – Erromeria Gozo-gozo
20:00 – Bilbo kantari + triki (Kalderapeko aurrean hasiko da)

Nondik dator San Tomas azoka?

Baserritar maizter eta bilbotar etxejabeen arteko harremanetik dator feria hau. Ohiturak zehazten zuen abenduaren 21ean baserritarrek Bilbora jaitsi eta alokairua pagatzeko eguna zela. Lurren eta baserriaren jabeak bazkaria eta beste opariren bat eskaintzen zien. Ez zegoen orduan banka telematikorik eta ez ziren hain maiz jaisten botxora. Beraz, baserritarrek bidaia baliatzen zuten euren gaiak ekarri eta Bilboko plazan saltzeko.

XIX. mendearen bukaera aldera, San Tomas azoka indarra hartzen hasi zen, Bilboko bizilagunek bertan ikusten baitzuten Gabonetarako kalitatezko produktuak erosteko aukera. Erosleak egun horren zain egoten ziren eta, errenta egun horretan ordaintzeko ohitura desagertuz joan bazen ere, Eguberrietako ospakizunen atarian egonik, eskaerak eta ohiturak finkatu zuten egun hori nekazal produktuen salmentarako.

Bigarren gerra karlistaren ondoren maizter gehienek jada errenta abendu bukaeran ordaintzen zuten, baina San Tomaseko azoka indarra hartuz joan zen eta XX. mende hasierarako erabat errotuta zegoen.

(www.bilbokokonpartsak.com)

2011ko Algara bazkari mundiala

Konpartseroa — Wed, 23 Nov 2011 12:24:47 +0000

Beste urte batez, Kafe Antzokian elkartu ginen algarakideok, Aste Nagusian egindako lanagatik eskerrak emateko; eta, jakina, berriz ere elkarrekin ederto pasatzeko. Eguerdi partean eman genion hasiera egunari, Kepa, Roberto eta musika-eskolako adiskideekin, “freskagarriak” lagun, Ledesman zehar. Eta tripazorriak zarataka hasi zirenean, Antzokira jo genuen, bazkaltzeko tenorea zen eta. Bertan, pasta platerkada(k), oilaskoa eta gazta-tarta goxoa izan genituen aho-gorputzen gozagarri.

Aurtengo datuen berri ere izan genuen: Aste Nagusiaren 9 eguneko eta 10 gaueko denbora-bidean, krisia gorabehera (pertsonalak eta diru-kontuak), Ikasleen egunean errekorra gainditu genuen 348-bat lagun elkartu baikinen; Iparralde eta Nafar egunean 230 lagun batu ginen Anje Duhalde, Josu Zabala eta Charly-rekin kantuan; Bertso-egunean 180 koplazale bildu zituzten Jon Maiak eta Unai Iturriagak… Itzela izan da, beraz, 2011ko Aste Nagusia, Algaran, bederen, lagun zaituztegun guzti-guztioi esker.

Eta egunak aitzinera egin zuen; zazpiak aldera, Alde Zaharrerako betiko bideari ekin genion, FEVE-n derrigorrezko geldialdia eginez. Eta arian-arian Kalderapekora heldu ginen, eta zazpikaleetan zebiltzan Bilbo Kantari ekimenaren partaideekin bat egin genuen. Horrela, lepo zeuden kale-kantoietatik kantuan alai izan ginen, garagar-ardoak beroturik.

Zer gertatu zen handik aurrera… beharbada elkartzen garen hurrengo egunean komentatuko dugu… gogoratzen badugu, behintzat.

Garen guztiok ez ginen egon, baina egon ginenok bagara!!!

Biba Pellot! Biba festa!

Aste Nagusia 2011 Algaran, argazki batzuk

Pellot — Tue, 06 Sep 2011 09:39:10 +0000

Bilboko Aste Nagusian euskara ikasten ari garenok eta euskaldunak diren beste lagun asko Algara konpartsaren txosnan ibiltzen gara, badakigulako bertan euskaraz egin ahal izango dugulako beste euskaldunekin eta bertako jarduera eta ekitaldi guztiak euskaraz direla. Euskaldun zahar eta euskaldun berriak, batzuek besteekin mintza plática egiten, jende ezaguna, ezezaguna… Denetarik izan dugu aurten Algara txosnan, egunez eta gauez.

Igandean dantza saio irekia izan genuen Algaran, Juan Antonio Urbeltzen eskutik.

Astelehenean euskara ikasten ari diren eguna izan zen, hain zuzen ere. Paella lehiaketa antolatu genuen Algaran, paella mordoa aurkeztu ziren…

…eta Txan magoaren ikuskizuna ondoren.

Bertso saio didaktikoa izan genuen asteartean, Jon Maiak eta Unai Iturriagak bertsoak nola josten diren erakutsi ziguten goizez…

…eta bazkalostean bertsotan aritu ziren biak.

Ostegunean, ikurriñaren omenaldi ostean Marijaiarekin ibili ginen txosnarik txosna.

Eta gauetan… Tira, gauean harremanak sakontzeko unea izaten da, edo barra gainean dantza egiteko, pregoilaria eta txupinera bezala…

Bakaikutik bisitari jatorrak izan genituen…

Argazki gehiago biltzen ari gara orain, beraz, Aste Nagusian Algaran egindako argazkirik baduzu, mesedez, aukeraketatxoa egin eta igorri argazkiakABILDUAalgara.org helbidera.

Aste Nagusia 2011 ALGARAn, egitaraua

Pellot — Thu, 11 Aug 2011 17:57:23 +0000

Hemen daukazue aurtengo Aste Nagusirako Algara konpartsan prestatu dugun egitaraua. Txupinean abiatuta eta azken afarira arte, bederatzi egunez festa gune bizia izango da Bilbo. Gure txosnan izango ditugu: ikasleen eguna, bertso eguna, Nafar eta Iparralde eguna, haur eguna… Gurean izango diren ekitaldiez gain, konpartsen federazioak antolatutako hainbat ekitaldi interesgarri gehitu ditugu, bertan ziur era batera edo bestera esku hartuko dugulako: bertso-triki-kalejira, bilbo kantari, lehiaketa gastronomikoa, hiri krosa, ur jokoak, konpartsen bazkaria, herri kirolak… Bilboko konpartsen egitarau osoa hemen jarri ezin dugunez, egin klik hemen konpartsen webgunean ikusteko.

ALGARA KONPARTSAREN EGITARAUA
2011ko Aste Nagusian

ABUZTUAK 20, LARUNBATA

* 14:00 ALGARA bazkaria, motorrak berotzeko
* 17:30 Bilboko konpartsen kalejira udaletxetik Arriagaraino
* 19:00 Txupina Arriagan. Ostean, txosnen irekiera Marijaiarekin eta ongietorri lunch-a Algaran

ABUZTUAK 21, IGANDEA

* 20:00 Urbeltzen Dantza Ganbara ALGARAn, ondoren DJ Bull
* 23:00 DJ Bull

ABUZTUAK 22, ASTELEHENA – Euskara ikasleen eguna ALGARAn

* 12:00 Jokoak
* 13:00 Hitzordua Txan magoarekin
* 14:00 Paella txapelketa ALGARAn. Ondoren, herri bazkaria eta bazkalostea Txan magoarekin
* 16:00 Paellen sari banaketa
* 16:30 Txan Magoa, bazkalosteko showa
* 18:00 Algaran jokoak
* 20:00 Zazpi Kaleak. Bertso-triki kalejira (Bilboko Konpartsak) Jone Uria, Xabi Paia, Arkaitz Estiballes eta Iratxe Ibarra bertsolariekin.
* 24:00 Sorpresa ekitaldia

ABUZTUAK 23, ASTEARTEA – Bertso Eguna ALGARAn

* 13:00 Bertso saio didaktikoa
* 14:00 Bertso bazkaria ALGARAN Unai Iturriaga eta Jon Maiarekin
* 20:00 Zazpi Kaleak. Bilbo kantari (Bilboko Konpartsak), Kalderapeko aurretik abiatuta.
* 24:00 Sorpresa ekitaldia

ABUZTUAK 24, ASTEAZKENA – Planto eguna. Ez dago konpartsen jai ekitaldirik eta txosna guztiak itxita egongo dira egun osoan (gauean ere). Kamiseta beltzak jantziko ditugu egun honetan, konpartsen kamiseten ordez. Lotsaren pasabidea, txosnaz txosna, plantoaren arrazoiak ikusteko.

* 19:00 ERRONKA! Konpartseroon harrotasunaren desfilea plaza biribiletik abiatuta, Kale Nagusian gora (kamiseta beltzak jantzita).

ABUZTUAK 25, OSTEGUNA – Iparralde eta Nafar eguna ALGARAn

* 14:00 Herri bazkaria ALGARAN eta bazkalostea Anje Duhalde eta lagunekin
* 18:30 Arriagatik Udaletxera. Kalejira eta Ikurriñari omenaldia, Roberto eta Kepa eta ALGARAko trikitilariek lagunduta.
* 20:00 Zazpi kaleak. Bilbo kantari (Bilboko Konpartsak)

ABUZTUAK 26, OSTIRALA – Haur eguna ALGARAn

* 17:00 Ur jolasak Uribitarten (Bilboko Konpartsak)
*18:00 Umeentzako ekitaldia ALGARAN. Anne Mona, Oskola eta Karramarroi antzerki taldearen emanaldia
*19:00 Merienda haurrentzat

ABUZTUAK 27, LARUNBATA

* 14:00 Konpartsen bazkaria areatzan
* 17:30 Herri kirolak areatzan, konpartsen arteko Xiba lehiaketa
* 20:00 Zazpi Kaleak. Bilbo kantari (Bilboko Konpartsak)

ABUZTUAK 28, IGANDEA

* 21:00 Azken afaria ALGARAn

Aste Nagusirako prestaketak martxan

Pellot — Tue, 02 Aug 2011 09:29:29 +0000

Dagoeneko bagabiltza 2011ko Aste Nagusia prestatzen. Txosnaren muntaketa abuztuaren 14an (igandearekin) hasiko da Bilbon, ohiko tokian, baina aurretik azpiegitura, papeleoak, generoen eskariak, programazioa eta beste xehetasun guztiak antolatzen ari gara. Aurtengoan ere kolore beltza gailenduko da txosnetan eta oholak pintatzen gabiltza gure neguko koarteletan. Bilboko Konpartsak federazioan ere prestaketetan buru-belarri sartuta gaude. Dagoeneko izena eman dezakezue piraguen jaitsieran eta Hiri Krossean, besteak beste, konpartsen webgunean bertan.

Konpartsero eguna larunbatean

Pellot — Tue, 12 Jul 2011 23:00:53 +0000

Udan buru-belarri sartuta gaude, udaberri jaiaren kronika irakurtzen aspaldi izan zela dirudi eta, konturatu orduko Aste Nagusian sartuta izango gara. Baina motorrak berotzen hasteko, urtero bezala, Konpartsero eguna antolatzen dute Bilboko Konpartsek. Algarakideok 12etan geratu gara, bazkaldu aurretik pote batzuk hartu eta, pintxoen lehiaketan esku hartu ondoren, armonia ederrean bazkaltzeko. Etortzekoa bazara abisatu, lagunen kopurua aldez aurretik ahalik eta zehatzen kalkulatu ahal izan dezagun. Egun honetarako egitaraua:

12etatik Aurrera…
Umeentzako tailerrak eta puzgarriakTxorizo eta piper banaketaPintxo lehiaketaren hasiera**
13.30: Pintxoen aurkezpena
14.00: Pintxo lehiaketaren sari banaketa
14.30: Konpartsen bazkaria
17.30: ORKRESTA
18.00: Udaletxetik Errekaldera, Kukutzarekin bat!
** Pintxo lehiaketaren arauak:
Lau pintxo berdin aurkeztu behar diraPintxo-lehiaketarako osagaiak: odolostea, sagarra, perretxikoak + 2 osagai libre + basea + (koipea + gatza + ozpina…)Bertan egin behar diraPintxoaren dekorazioa hartuko da kontuan, ez platerrena.

EGUNERAKETA: Konpartsero eguna igarota, hemen duzue talde argazkia. Onenak garete!

Udaberri jaiaren kronika

Konpartseroa — Tue, 14 Jun 2011 11:35:09 +0000

Parrandazaleok goiz goizean, euria egin arren, oso gustura altxatu ginen…Udaberri jaia ospatzeko! Eguna tarta txapelketarekin hasi zen. Oso goiz bazen ere, parte hartzaile asko egon ziren lehiaketan eta haien errezetarik onenak erakutsi zizkiguten. Gosaldu ostean, eta giroa berotzeko, pixkatxo bat egin genuen dantzan. Eta nabaritu zen batzuk dantzagintzan ibiliak zirela…

Tortila lehiaketa baino lehen, gehien itxaron genuen mementoetariko bat heldu zen: lehenengo txotx! egin genuen, aurresku eta guzti.

Tongoa egon bazen ere (jai guztietara animatzen den lagun zaharra…), giro izugarria ikus genezakeen tortila txapelketan. Zelako hamaiketakoa!

Hamabietan bideo-rallya hasi zen. Talde guztiok parte hartu genuen eta gure irudimen izugarria ikusi hal izan zen.

Behin bukatuta, Ledesman talde guztiok poteatzen ibili ginen. Kalea jendez beteta zegoen eta tabernaz taberna joan ginen jaia ospatzen jarraitzera. Eta poteatzen geunden bitartean, Txinoetako lehiaketa hasi zen…lehiaketarik inpotanteena, hain justu. Izan ere, bazkaria dohainik aterako zitzaion talde irabazleari! Horregatik, talde bakoitzaren arduraduna oso urduri zegoen, ondo egin nahi baitzuen. Ledesman talde guztiok oihuka ibili ginen asmatu nahian, eta azkenean Irene izeneko arduradun batek lortu zuen, joko horretan aritu zen lehenegoa aldia izan arren. Hasi berrien zortea ote?

Hirurak inguruan, denok gosetuta, Kafe Antzokira itzuli ginen, bazkaltzera. Menua arrunta baina indarrak hartzeko oso aproposa izan zen: hasteko makarroiak gaztarekin eta bigarren platera, sukalki itzela. Goxo-goxoa zegoen bazkaria, batez ere patxarana…

Bazkaldu eta gero, bideo-emanaldia izan zen. Apurtxo bat alaiago gozatu genituen goizean sortu genituen bideo txispagarriak. Gero aire pixka bat hartu eta seiak aldean, Bilboko Hiri Kiroletako 1. edizioan parte hartu genuen, bazkaria eta alkohola erretzeko asmoz. Zirkuito bat izan zen, eta proba mota desberdinez osatuta zegoen.

Eta soka-tirari ekin eta gero, jaiarekin jarraitzeko, Katu Buru taldea etorri zitzaigun. Bere musika erritmikoak giro berezia eman zigun eta haiekin batera, dantzatzera eta pote batzuk hartzera abiatu ginen Ledesmara. Euskaltegiko denek euren gorputz lirainak mugitu zituzten eta esperientzia izugarria izan zen.

Udaberri jaiaren argazki bilduma Flickr-en jarri dugu. Hemen daukazue 60 argazkiko lagin txiki bat. Argazki gehiago eta neurri handiagoan ikusteko Flickr-eko bildumara joan.

Udaberri jaia hilaren 27an, egitaraua

Pellot — Tue, 24 May 2011 11:26:03 +0000

Ostiralean udaberri jaia izango dugu Albia Lorategian, Ledesma inguruan eta Kafe Antzokian, Algara konpartsak Gabriel Aresti euskaltegiaren laguntzarekin antolatuta. Hemen duzue egun horretarako prestatu dugun egitaraua. Goizean goiz hasita dantzak, lehiaketak, bideo rally-a (nork bideorik onena egingo), poteoa, bazkaria, hiri kirolak, Katü Bürü taldearekin kalejira… Etorriko zarete? Bazkarirako txartela erosteko euskaltegiko bulegoan duzue aukera.

Inauteriak eta INEMeko bulegoa

Filibusti — Fri, 06 May 2011 11:06:59 +0000

Urtero bezala, Algara konpartsak parte hartu du Bilboko inauterietan, Bilboko Konpartsok antolatu dugun egitarauan. Ostegunean trapu zaharrekin hasi ginen. Ostiralean euskaltegiko jaian hartu genuen parte, egun osoan sketchak, jokoak, poteoa… Eguna luzatu zen Lisker taldearen erromeriarekin eta hainbatek ez zuten etxerako bidea berandu arte topatu. Larunbatean, konpartsen desfilean bigarren saria eman ziguten, bertan antzeztu genuen INEMeko bulegoagatik.

Algara bazkaria azaroaren 13an

Pellot — Mon, 18 Oct 2010 16:03:15 +0000

Udazkena heltzean urtero egin ohi dugun bezala, Algara bazkaria egingo dugu algarakideok, Aste Nagusi ostean bizirik gaudela ospatzeko (ez da gutxi), onenak garetela ospatzeko, ondo jan, edan, kantu eta dantza egiteko… Azaroaren 13an bazkaria Bilboko Kafe Antzokian (aurretik urrirako jarrita zegoen data aldatu genuen, hainbat lagunek HABEko azterketak zeuzkatelako). Egun zoragarri honetan parte hartu gura badozu, jarri gurekin harremanetan ohiko bideetatik, etorriko zarela baieztatzeko. Hona hemen gure plana:

12:00 Ledesma kalean txupina
13:45 Ibanen ongi etorri diskurtsoa
14:00 Bazkaria Kafe Antzokian
16:00 Bazkalosteko kantuak Roberto eta Kepagaz
18:00 Geldialdia FEVEn (txosnaren aurrean)
19:00 Pin, pan, pun jaia zazpi kaleetan