Inauteriak 2009: Trapu zaharra otsailaren 19an

Zaratada trapu zaharra kalejira izango da eguenean festari hasiera emateko aitzakiarik onena. Orain bi urte lehenengoz Bilboko konpartsok inauteriei indarrez eman genien hasiera trapu zaharra kalejirarekin eta aurten iazkoari jarraipena emanez horixe bera egingo dugu. Bilboko trapu zaharra kalejiran parte hartzeko edozein jantzi zahar egokia izango da. Jantzi zaharrik eduki ezean, konpartsakideok Bilboko konpartsen egoitzetan izango dugu eskura jantziren bat edo beste. Abiapuntua 19:15ean izango du Arriaga Antzoki aurreko plazan eta Zazpikaleetan izango du jarraipena. Bidean, txorizoa banatuko dugu konpartsok.

Inauteriei hasiera emateko modu bikaina. Trapu zaharrak gogoko ez badituzu eta gurago baduzu jantzi dotoreagoren bat,  deitu Mikel Pazosi telefono honetara; 666 386 445