Ibaizabal telebistaren aurkezpena

Apirilak 9 da Ibaizabal telebistaren interneteko aurpegia ezagutzera emango den eguna, eta horretarako denetarik izango duen jaia prestatu dugu Bilboko Kafe Antzokian.

Asteazkena, hilak 9 arratsaldeko 19:30etan: webgune berriaren aurkezpena (www.ibaizabaltb.com), bideoak, musika, bertsolariak, lagun zaharrak eta berriak, eta proiektu zabal, berritzaile eta ezberdin batean parte hartzeko aukera. Ez izan dudarik eta hurbil zaitez.

Ibaizabal Talde Eragilea

Honi buruz informazio gehiago hemen.

Udaberriko jaia maiatzaren 30ean

Hemen dituzu iazko jaiaren argazki batzuk (klikatu argazki gainean):

Urtero legez, Algara konpartsak eta Gabriel Aresti Euskaltegiak egun osoko Udaberriko jaia antolatzen dugu maiatzean. Goizeko 8etatik aurrera Albia lorategian jokoak, dantzak, kantak, antzerkia… Arratsaldean jai giroa izango dugu bertan eta inguruan. Beti bezala ostiral batean egingo dugu denok gozatu ahal izateko. Argibide gehiago aurrerago.

Algara guagua konpartsen jaitsieran

Eguraldi aldaketa dela eta, Euskal Herri tropikala irudikatu dugu erresuma bananero biren artean. Ahor gure jaitsieraren bideotxo bat:

Otsailaren 1ean, euskaltegiko inaute jaia

Gabriel Aresti Euskaltegiak inaute jairako proposatzen duen gaia: “EUSKAL HERRIA 100 URTE BARRU”. Gaia gure mozorroak eta egunean zehar esketxak egiteko erabiliko dugu. Hemen duzue egun osoko egitaraua:

08:30 TARTA LEHIAKETA

08:35 GOSARIA: Txokolatea banatuko da. Beste guztia etxetik (gailetak, pastelak, torradak…)

09:15 DANTZAK, JOLASAK…

11:00 ESKETX LEHIAKETA: Mesedez, puntualak izan eta saiatu esketx luzeegirik ez egiten (7 minutu gehienez). Denon onerako izango da.

13:00 POTEOA: Ledesma kalean 14:30 LUNTXA: Kafe Anzokiaren goiko aldean. Txartelak (5 euro) bulegoan lehenbailen hartu.

16:30 GINKANA

17:15 ESKETXAK

18:00 TXOKOLATE-JANA ETA DISKOTEKA.

19:30 POTEOA: Ledesma kalean

21:00 BERBENA: Kafe Antzokian LISKER taldearekin.

*GOGORATU JASOTZEN LAGUNDU BEHARKO DUGULA.

*ONDO PASA!

Inauteriak 2008; “Zaratada trapu zaharra” ostegunean

Zaratada trapu zaharra kalejira izango da eguenean festari hasiera emateko aitzakiarik onena. Iaz lehenengoz Bilboko konpartsok inauteriei indarrez eman genien hasiera trapu zaharra kalejirarekin eta aurten iazkoari jarraipena emanez horixe bera egingo dugu. Bilboko trapu zaharra kalejiran parte hartzeko edozein jantzi zahar egokia izango da. Jantzi zaharrik eduki ezean, konpartsakideok Bilboko konpartsen egoitzetan izango dugu eskura jantziren bat edo beste. Abiapuntua 19:30ean izango du San Nikolas elizan eta Zazpikaleetan izango du jarraipena. Bidean, txorizoa banatuko dugu konpartsok.

hitzaldia; Juan Antonio Urbeltz inauteriak hizpide urtarrilaren 22an

“Del carnaval a San Juan. Simetria de la fiesta” izenburupean emango du hitzaldia Bilboko Kafe Antzokian arratsaldeko 20:00etan. Inauterien jatorriaren eta esanahiaren berri izateko aukera duzue honako hau.

hitzaldiaren nondik norakoak

Hitzaldi honetan Juan A. Urbeltzek inauteriari eman behar zaion esanahia berrikusi egingo du nekazal urtearen testuinguruan , bai eta konpartsen, tradiziozko pertsonaien eta dantzen zentzua: Zanpantzarrak, Bolantak, Kaskarotak, Lantzeko pertsonaiak, Zuberoko maskaradak, Azeri-dantza, Zagi-dantza, etab. Teoria berri honetan, “emankortasun”aren ideiari (James G. Fraser-ek bere Urrezko adarra liburuan azaldutako teoria) Urbeltzek, europar inauterietan agertzen den nekazarien “ezkortasun”aren ideia kontrajartzen dio.

Biografia

Iruñean jaio zen 1940an. Azken berrogeita bost urteetan, euskal kultura tradizionala ikertzen (more…)

Bertso bazkaria: Jose Agirre eta Amets Arzallus

Bertso bazkari ederra daukagu urtarrilaren 12an, Amets Arzallus lapurtarra eta Jose Agirre gipuzkoarra elkarri bertsotan. Gai-jartzaile lanetan; Joxemi Larrabeiti.

Sarrera + bazkaria: 20 euro (Kafe Antzokia)
Antolatzailea: Zenbat Gara elkartea

Amets Arzallus: Jexux Arzallus bertsolari goiaztarraren semea. Donibanen jaio arren, Hendaian bizi izan da beti. Etxean bertso giroa zegoen, eta txikitatik hasi zen kantuan. Futbolerako ere afizio handia zuen, eta bost urterekin hasi zen. Pilotan ere ibiltzen zen, oso kirolzalea baita. Ikastolan Hendaian hasi zen, eta lagun koadrila txikitatik osatu zuten. Gerora horiei guziei eutsi die, pilotari izan ezik. Hegoaldearekin oso lotua egon arren (jatorrian nahiz bestela), Iparraldekoa sentitzen da. 10 urtetik aurrera ikastera Kanbora joaten zen Seaskaren Kolegiora, eta gero Lizeora Baionara. Orain bertsotan eta futbolean segitzen du, eta ikasketetan, kazetaritzara bideratu da. Argia aldizkariko elkarrizketa egile (more…)

Truke azoka abenduaren 12an

Gabonak badatoz eta gure poltsikoak dardarka hasi dira. Urtaro honetan makina bat gauza erosten eta jasotzen ditugu eta gero ez ditugu inoiz erabiltzen. Zer egiten dugu gauza, traste, opari, jostailu hauekin? Pentsatu al duzu inoiz beste inork behar dituela edota erabil ditzakeela? Algaran eta Gabriel Aresti Euskaltegian orain urte batzuk horretaz jabetu ginen eta horregatik pentsatu genuen bi urtean behin truke azoka antolatzea. Azokan norberak jada erabiltzen ez dituen gauzak (liburuak, Kdak, arropak, jostailuak, elektrotresnak, irakasleak…) edota eskaini ditzakeen zerbitzuak (masajeak, ilea moztea, musika tresnaren bat jotzea, eskua irakurtzea…) trukatu ahal izango ditu zentimo bat ere gastatu gabe.

Azaroaren 17an, Algara jaia

Algarakideon jaia, agenda:

12:00 Plaza Barrian triki poteoa
14:30 Bazkaria Kafe Antzokian
14:35 Bertsolariak; Ander Artola eta Erlantz Ibargurengoitia
23:00 Ramtorren semearen showa

Oharrak: Bazkarirako txartelak Done Bikendiko bulegoan jaso behar dira datorren osteguna baino lehen. Egun horretarako kamiseta ere jantzita ekarri.

Erakusketa; Gabriel Aresti idazle bilbotarraren omenez

Gabriel Aresti Euskaltegiaren 25. urtemuga dela medio, euskaltegiari izena ematen dion idazleari buruzko erakusketa antolatu du. Erakusketa honetan Aresti idazleaz gain Arestirik humanoena ere aurkeztu nahi izan da oso modu didaktiko eta sintetikoan. Erakusketan Gabriel Arestiren ibilbidea ikus daiteke 4 bloke handitan:

1. Nire grazia Aresti da. Beste idazleekin izandako harremana, sariak, familia, alderdirik biografikoena.
2. Arima barreneko ekaitzak. poesian, narratiban, antzerkian, itzulpenetan egindako lanari emandako gainbegirada bat.
3. Nire lekua dago herriaren aldean. Arestirik filologikoena, euskara hizkuntzari buruzko hausnarketak, lexikoari eta morfologiari buruzko lanak, euskara baturaren gaineko proposamenak…
4. Apur ditzagun kateak. Arestiren lanaren testuinguru histotikoa eta testuinguru internazionala.

Erakusketa non eta noiz: Done Bikendi 2, 4.solairua. Astelehenetik ostiralera 10:00etatik 14:00etara eta 17:00etatik 19:00etara.