Bertso bazkaria: Jose Agirre eta Amets Arzallus

Bertso bazkari ederra daukagu urtarrilaren 12an, Amets Arzallus lapurtarra eta Jose Agirre gipuzkoarra elkarri bertsotan. Gai-jartzaile lanetan; Joxemi Larrabeiti.

Sarrera + bazkaria: 20 euro (Kafe Antzokia)
Antolatzailea: Zenbat Gara elkartea

Amets Arzallus: Jexux Arzallus bertsolari goiaztarraren semea. Donibanen jaio arren, Hendaian bizi izan da beti. Etxean bertso giroa zegoen, eta txikitatik hasi zen kantuan. Futbolerako ere afizio handia zuen, eta bost urterekin hasi zen. Pilotan ere ibiltzen zen, oso kirolzalea baita. Ikastolan Hendaian hasi zen, eta lagun koadrila txikitatik osatu zuten. Gerora horiei guziei eutsi die, pilotari izan ezik. Hegoaldearekin oso lotua egon arren (jatorrian nahiz bestela), Iparraldekoa sentitzen da. 10 urtetik aurrera ikastera Kanbora joaten zen Seaskaren Kolegiora, eta gero Lizeora Baionara. Orain bertsotan eta futbolean segitzen du, eta ikasketetan, kazetaritzara bideratu da. Argia aldizkariko elkarrizketa egile (more…)

Truke azoka abenduaren 12an

Gabonak badatoz eta gure poltsikoak dardarka hasi dira. Urtaro honetan makina bat gauza erosten eta jasotzen ditugu eta gero ez ditugu inoiz erabiltzen. Zer egiten dugu gauza, traste, opari, jostailu hauekin? Pentsatu al duzu inoiz beste inork behar dituela edota erabil ditzakeela? Algaran eta Gabriel Aresti Euskaltegian orain urte batzuk horretaz jabetu ginen eta horregatik pentsatu genuen bi urtean behin truke azoka antolatzea. Azokan norberak jada erabiltzen ez dituen gauzak (liburuak, Kdak, arropak, jostailuak, elektrotresnak, irakasleak…) edota eskaini ditzakeen zerbitzuak (masajeak, ilea moztea, musika tresnaren bat jotzea, eskua irakurtzea…) trukatu ahal izango ditu zentimo bat ere gastatu gabe.

Azaroaren 17an, Algara jaia

Algarakideon jaia, agenda:

12:00 Plaza Barrian triki poteoa
14:30 Bazkaria Kafe Antzokian
14:35 Bertsolariak; Ander Artola eta Erlantz Ibargurengoitia
23:00 Ramtorren semearen showa

Oharrak: Bazkarirako txartelak Done Bikendiko bulegoan jaso behar dira datorren osteguna baino lehen. Egun horretarako kamiseta ere jantzita ekarri.

Erakusketa; Gabriel Aresti idazle bilbotarraren omenez

Gabriel Aresti Euskaltegiaren 25. urtemuga dela medio, euskaltegiari izena ematen dion idazleari buruzko erakusketa antolatu du. Erakusketa honetan Aresti idazleaz gain Arestirik humanoena ere aurkeztu nahi izan da oso modu didaktiko eta sintetikoan. Erakusketan Gabriel Arestiren ibilbidea ikus daiteke 4 bloke handitan:

1. Nire grazia Aresti da. Beste idazleekin izandako harremana, sariak, familia, alderdirik biografikoena.
2. Arima barreneko ekaitzak. poesian, narratiban, antzerkian, itzulpenetan egindako lanari emandako gainbegirada bat.
3. Nire lekua dago herriaren aldean. Arestirik filologikoena, euskara hizkuntzari buruzko hausnarketak, lexikoari eta morfologiari buruzko lanak, euskara baturaren gaineko proposamenak…
4. Apur ditzagun kateak. Arestiren lanaren testuinguru histotikoa eta testuinguru internazionala.

Erakusketa non eta noiz: Done Bikendi 2, 4.solairua. Astelehenetik ostiralera 10:00etatik 14:00etara eta 17:00etatik 19:00etara.

Argazki erakusketa; Maya herri indigena

Maya herri indigena goiburuko argazki erakusketa dago ikusgai euskaltegi barruan, Done Bikendiko egoitzako 4. solairuan. Bertan Frida Hartz eta Eduardo Vera mexikarrek eginiko argazkiak ikus daitezke. Batez ere Chiapas estatuan ateratako argazkiak dira, EZLN armadako indigenen matxinada jasotzen dutenak. Argazkilari biak, zapatisten lagun handiak izanik, euren eguneroko errealitatea islatzen ahalegindu dira iruditan, baita euren azken urteotako historiaren pasarte garrantzitsuenak eta tragikoenak ere.Herri indigenak ezezik Frida Hartz-ek azken urteotako Ertamerikako gertakari politiko garrantzitsuak islatu ditu bere argazkietan, hala Guatemalako errefuxiatuen ihesa nola El Salvadorreko FMLNko kideen sarrera San Salvador hiriburuan… Aipamen gehiago Gara, Hitza, Sarean, El Correo, Gazte Sarea.

Algara jaia azaroaren 17an

Kaixo lagunok: urtero bezala garai honetan algarakideok egun osoko jai ederra ospatzen dugu; Bilboko aste nagusian Algara konpartsan ibili ginenon jaia. Aurten ere bere horretan gaude eta dagoeneko badaukagu data; azaroaren 17a, larunbata.

13:00 Triki-poteoa
14:30 Bazkaria eta ondorengoak.

Gogoratu izena aldez aurretik eman behar dugula ohiko bideetatik, etorriko garenon kopurua jakin ahal izateko. Berri gehiago aurrerago txoko honetan.